Condicions d’usatge der Airau privat

L’Er Airau privat, ei un servici titularitat dera Generalitat de Catalunya (NIF S-0811001-G) que facilite era interaccion dera ciutadanetat damb era Administracion dera Generalitat de Catalunya a compdar d’un unic punt d’accès. Per mejan dera plataforma, se pòt accedir a:

• Tramits e gestions
• Boèta de contacte
• Cites entà atencion presenciau
• Notificacions
• Soscripcions a avertiments personalizadi
• Consulta e gestion de donades e documents personaus.

Er accès ath servici der Airau privat, non requerís registre, solament cau identificar-se damb un certificat digitau o un sistèma de clau concertada damb registre prealable (idCat Mobil, idCat Certificat, Cl@ve, etc.). Er usatge d’aguest servici ei gratuït, liure e volontari.

Es mesures de seguretat adoptades se corresponen damb es qu'establissen er annèxe II (“Mesures de seguretat”) deth Reiau decrèt 311/2022, de 3 de mai, peth quau se regule er Esquèma nacionau de seguretat, e eth Marc de ciberseguretat entara proteccion de donades dera Generalitat de Catalonha (MCPD).

Er Airau privat se compromet a aufrir un servici de maxima qualitat, a evitar errors e, en cas que se produsisquen, apraiar-les o actualizar-les tanlèu coma serà possible. Er usatgèr accèpte qu’eth servici pogue experimentar interrupcions entà amiar a tèrme prètzhèts de mantenença, es quaus duraràn eth temps de besonh e indispensable.

Er usatgèr ei responsable dera exactitud e era actualizacion dera informacion personau que proporcione a trauès der Airau privat e qu’obten de diferenti departaments, deth sector public dera Administracion dera Generalitat e de d’autes administracions publiques.

En quinsevolh moment, e sense besonh d’avertiment prealable, aguest servici pòt modificar-se e cambiar es condicions d’accès o d’usatge, cada viatge qu’eth possible cambiament non afècte es principis e drets de proteccion de donades personaus.

Er usatgèr der Airau privat se compromet a:

• Tier compde dera informacion d’accès a trauès deth sistèma d’identificacion digitau corresponenta.
• Hèr un bon usatge des contenguts obtengudi a trauès der Airau privat, d’acòrd damb era Lei, era bona fe e es bons costums generaument acceptadi.
• Èster responsable der usatge des servicis.

Er Airau privat includís ligams a lòcs web de d’autes administracions publiques e organismes publics entà aufrir ua informacion mès personalizada. Consultatz es politiques de privacitat e condicions d’usatge pròpries d’aguesti auti lòcs web.

Es portaus e sedences electroniques que enlacen damb er Airau privat an de tier en compde que:

• Non implique era existéncia de relacions entre era Administracion dera Generalitat e eth proprietari qu’establís eth ligam, ne era acceptacion e aprobacion des sòns contenguts e servicis.
   
• Non se pòden amiar a tèrme manifestacions o referéncies fausses, incorrèctes o inexactes sus es pagines e servicis aufridi per Airau privat.

Se proïbís explicitament era creacion de quinsevolha sòrta de navegador, programa, browser o border environment sus es pagines der Airau privat.

Per rasons de seguretat, eth titular der Airau privat solament ne garentís eth corrècte foncionament en navegadors compatibles damb HTML5 damb es versions suportades pes sòns fabricants en moment actuau.

Er usatge de navegadors non compatibles pòt afectar era visualizacion deth contengut o era disponibilitat de quauques foncions. Se pòden descargar es actualizacions des navegadors enes pagines web des provedidors d’aguesti programes.

Ei de besonh abilitar Javascript entath corrècte foncionament deth servici.

Aguestes condicions se regissen e interprèten d’acòrd damb era lei espanhòla e catalana. Eth titular e es usatgèrs, damb renóncia a quinsevolh aute fòr, se someten as jutjats e tribunaus de Barcelona capitau.

Entà consultes, queishes o suggestions relacionades damb er Airau privat o damb es servicis que s’i aufrissen, se pòt utilizar eth formulari disponible ena boèta de contacte o contactar en telefon d’atencion 012.

Era ciutadanetat tanben se pòt dirigir ara Direccion Generau de Servicis Digitaus e Experiéncia Ciutadana, plaçada en carrer del Foc, 57, Bastissa B, 08038 Barcelona.