Era lei protegís es persones e es unitats familhaus en situacion de vulnerabilitat economica –o risc d'exclusion residenciau–, deuant des talhs que poguen acordar es companhies subministradores d'electricitat, gas e aigua potable per manca de pagament.
- Patisses risc d’exclusion residenciau
- Ès ua persona afectada per dependéncia energetica
- Quines ajudes e descompdes pogui demanar
- Beneficis d’acuelher-se ath bòn sociau d’electricitat
- Qué hèsqui se recebi un avís per impagament?
- E en cas de talh indegut?
- Qué passe damb eth mèn deute damb era companhia?
Patisses risc d’exclusion residenciau
Es enterpreses non pòden interrómper es subministraments en cas d’impagaments, quan i a risc d’exclusion residenciau.
Es persones o unitats familhaus damb risc d'exclusion residenciau an ingrèssi inferiors a:
- 2 còps er Indicador de Renda de Sufisença de Catalonha (IRSC), se se tracte de persones que viuen soletes.
- 2,5 còps er IRSC, se se tracte d’unitats de convivéncia (mès d'ua persona).
- 3 còps er IRSC, en cas de persones damb empeditats o damb grana dependéncia.
Excepcionalment, s'es ingrèssi son superiors mès i a un risc imminent de pèrder er abitatge tanben se pòt demanar ath servici sociau qu'avalore se se pòt includir ena situacion de risc d'exclusion residenciau.
AMONTÈs ua persona afectada per dependéncia energetica
Se non acomplisses es requisits d’ingrèssi mès ena casa i viu bèra persona afectada per dependéncia energetica (persones qu'an de besonh maquines assistides entà subervíuer) tanben as dret ara garantia de subministrament.
Quines ajudes e descompdes pogui demanar
Bòn sociau (lutz)
Eth bon sociau electric ei un descompde ena factura dera electricitat. S’aplique sus era tarifa regulada o PVPC. Se n’ès beneficiari as un periòde de quate mesi entà pagar es factures impagades.
Bòn sociau termic
Eth bòn sociau termic ei un programa d'ajudes entà compensar es despenes termiques ocasionades as consumidors mès vulnerables per usatge deth cauhatge e era aigua cauda o era codina. An dret ath bòn sociau termic totes aqueres persones damb dret ath bòn sociau electric.
Bonificacions deth cànon dera aigua
Era Agéncia Catalana dera Aigua dispause de bonificacions sus eth cànon dera aigua enes usatges domestics. Es ciutadans pòden agranir es trams de consum e acuelher-se ara tarifa sociau deth cànon dera aigua.
Beneficis d’acuelher-se ath bòn sociau d’electricitat
-
As un periòde mès perlongat entà hèr front as factures impagades qu'era rèsta de consumidors. Transcorrudi 4 mesi dempús dera notificacion deth prumèr requeriment de pagament, ei aplicable eth subministrament minim vitau (SMV).
-
Non se pòt interrómper eth subministrament en cas qué i age un menor de 16 ans ena unitat familhau, o ua persona damb empeditat egau o superiora ath 33% o damb grad de dependéncia II o III.
-
Eth subministrament minim vitau ei ua airina de protección sociau entàs consumidors en situacion de vulnerabilitat. Garantís ua poténcia limita de 3,5 kWh pendent sies mesi.
Qué hèsqui se recebi un avís per impagament?
Cau qu'ac comuniques as servicis sociaus deth tòn municipi ath mès lèu possible, a fin de facilitar es tues donades e evitar eth talh.
Abans de hèr un talh, era entrepresa subministradora a de sollicitar un rapòrt as servicis sociaus municipaus entà determinar s'era persona o era unitat familhau se tròbe en aguesta situacion de risc d’exclusion residenciau.
E en cas de talh indegut?
T’as d’adreçar ath servici sociau deth vòste municipi, entà que hèsquen es gestions de besonh damb era vòsta companhia subministradora.
Tanben as dret a denonciar eth talh indegut ath tòn servici public de consum deth municipi o comarca (omic-ocic*) per incompliment dera lei 24/2015.
Qué passe damb eth mèn deute damb era companhia?
Entà informar-vos des possibles ajudes vos podetz adreçar ath vòste servici sociau. Quan vos i adrecetz, podetz autorizar es servicis sociaus e era vòsta enterpresa subministradora entà demanar en vòste nòm es possibles ajudes que s’establisquen entà gerir eth deute pendent.