Politica de privacitat der Airau privat

Direccion Generau de Servicis Digitaus e Experiéncia Ciutadana.

DPD: dpd.presidencia@gencat.cat

Adreça: carrer del Foc, 57, Bastissa B, 08038 Barcelona.

Era informacion personau que se tracte proven de hònts extèrnes ar Airau privat, a excepcion dera informacion que proporcionen es usatgèrs entà:

• Accedir ath servici
• Configurar eth servici
• Realizar un tramit
• Sollicitar era modificacion des donades personaus de contacte
• Sollicitar era generacion d’un justificatiu o un certificat.

Segons eth servici o consulta realizada en Airau privat, se pòden tractar diuèrsi tipes de donades personaus, coma:

• Donades d’identificacion o de contacte
• Donades deth dispositiu e sistèma operatiu utilizat
• Donades sus eveniments propèrs o cites concertades damb era Generalitat de Catalunya
• Donades relacionades damb tramits realizadi damb era Generalitat o de d’autes administracions publiques
• Donades sus consultes, queishes o suggestions hètes a trauès deth servici de boèta de contacte
• Informacion educativa: títols obtengudi, borses e ajudes ar estudi, etc.
• Donades de salut e servicis sociaus: certificats d’empeditat, grad, situacion de dependéncia, prestacions, ajudes, etc.
• Informacion professionau: situacion laborau, demanda d’ocupacion, vida laborau, prestacions, sollicitacion de retirada, etc.
• Donades d’abitatge e urbanisme: bens immòbles rustics o urbans, registre cadastrau, etc.
• Informacion de veïculs e transpòrts: veïculs pròpris, permís de condusir, punts deth carnet, etc.
• Donades relatives a notificacions.

Es donades s’obtien per mejan de consultes realizades as administracions publiques e organismes publics, es quaus ne son es responsables.

Quan er usatgèr accedís ath servici, se pòden hèr consultes entà mostrar es gestions qu’age amiat a tèrme, es notificacions e es avertiments que l’afècten, tanben es cites programades.

Er accès ad aguestes donades se hè mejançant es sistèmes que cada administracion mete a dispausicion, e tanben a trauès des servicis de interoperabilitat que permeten accedir-i. Tanben se permet er accès as donades mejançant de d’auti servicis, s’ei prevista era interconnexion.

Es tractaments de donades personaus que se poguen hèr a trauès der Airau privat son justificadi peth compliment d’ua mission d’interès public o per exercici de poders publics delegadi ath responsable deth tractament, d’acòrd damb er article 13 dera Lei 29/2010, deth 3 d’agost, der usatge des mejans electronics en sector public de Catalonha, er article 28 dera Lei 39/2015, d’1 d’octobre, deth procediment administratiu comun des administracions publiques, er article 42 e 45 deth Reiau decrèt 203/2021, de 30 de març, qu’apròve eth Reglament d’accion e foncionament deth sector public per mejans electronics e er article 19, 66 e 74 deth Decrèt 76/2020, de 4 d’agost, d’Administracion digitau, e tanben eth consentiment, quan serà apertient.

Era informacion e donades recuelhudes en Airau privat son tractades unicament damb era tòca d’aufrir un servici personalizat:

• Accedir as tramits e as gestions.
• Accedir as notificacions e as comunicacions que mane era Administracion.
• Accedir as donades e docuents der usatgèr e modificar-les, se se considère de besonh.

Es donades personaus se consèrven pendent eth temps requerit entà acomplir damb era finalitat pera quau se recuelheren. Un còp s’a artenhut er objectiu, es donades s’eliminen d’acòrd damb era normativa e es procediments en vigor en matèria de gestion documentària e archiu.

Solament eth titular des donades i a accès.

Maugrat açò, en quauqui casi, coma en supòrt ara tramitacion, pòt èster qu’un tresau age d’accedir as donades minimes indispensables entà aufrir era assisténcia adequada, prealable consentiment der usatgèr.

Er usatgèr a dret a sollicitar er accès, era rectificacion, era supression, era oposicion e era limitacion deth tractament des sues donades, mejançant era peticion generica disponibla en Tramits Gencat o ben damb ua sollicitacion en supòrt papèr ath Departament dera Presidéncia (C/ Sant Honorat, 1-3, 08002 Barcelona). Era presentacion dera sollicitacion per mejans electronics requerís dispausar de certificat electronic o ben sistèmes alternatius d’identificacion. Cau indicar ena sollicitacion quini drets s’exercissen. Mès informacion ena pagina web https://presidencia.gencat.cat/ca/el_departament/proteccio-dades/drets-de-les-persones-interessades/.

Era informacion relativa as coquins utilizadi en aguest servici se tròbe en: https://presidencia.gencat.cat/oc/ajuda/politica-de-galetes/.