Per Internet
Presenciaument
Qué te cau saber?
Era proprietat intellectuau ei eth corròp de drets que corresponen ar autor o autora per çò qu'ei des òbres qu'a creat.
Era inscripcion en Registre dera Proprietat Intellectuau ei volontària. Totun, ei ua pròva entà acreditar qui ei er autor o autora d’ua òbra e, donques, a qui corresponen es drets d’espleitacion.
Ei recomandable demanar cita.
As autors o autores e titulares des drets d’espleitacion.
La pòdes sollicitar en quinsevolh moment.
Quina documentacion me cau presentar entà hèr era inscripcion?
Amassa damb es modèls A (patarnitat) e B (òbra) dera sollicitacion, te cau presentar era documentacion següenta:
- S'ès er autor, autora o titular des drets: fotocòpia e originau deth DNI, passapòrt o carta de condusir.
- Se non ès er autor, autora o titulara des drets, mès agisses en sòn nòm: ua autorizacion der autor, autora o titular des drets, e ua fotocòpia deth sòn DNI, passapòrt o carta de condusir.
- S'ès ua persona juridica titulara des drets: originau e còpia des escritures de constitucion e apoderament dera entitat.
- Se vòs enregistrar ua òbra derivada (traduccion, adaptacion, arrengament musicau, etc.): autorizacion signada per autor dera òbra originau que t’autrege eth dret de transformacion dera òbra e que sigue legitimada per un foncionari deth Registre o un notari.
- Se vòs enregistrar ua òbra editada: justificatiu d’auer-la liurada en Depaus Legau.
Consulta-les en apartat Taus deth web deth Registre dera Propietat Intellectuau.
En tant qu'autor, autora o titular des drets, enquia quan è dret d’espleitacion dera mia òbra?
Pendent tota era vida, e es eretèrs enquia setanta ans dempús dera mòrt der autor, autora o titular des drets.
Com s’acredite era transmission des drets d’espleitacion a quauquarrés que non ei er autor o autora dera òbra?
Damb ua cession mejançant escritura publica (de venda, donacion o eretatge) o en tot acreditar que i a un contracte laborau enter er autor o autora e eth titular.
Passi que cau hèr
-
1
Prumèr pas
Inscríver
-
2
Dusau pas
Recéber era responsa dera Administracion
Qué passe se i a quauque error ena mia sollicitacion?Se i a quauque error o i manque quauque document acreditatiu, es responsables deth Registre te demanaràn qu'ac esmendes laguens deth tèrme de 10 [...]
Qué passe se i a quauque error ena mia sollicitacion?
Se i a quauque error o i manque quauque document acreditatiu, es responsables deth Registre te demanaràn qu'ac esmendes laguens deth tèrme de 10 dies obrants.Quan receberè responsa dera Administracion?
Es responsables deth Registre an un tèrme de sies mesi entà resòlver era sollicitacion dempús dera data d’entrada.Com receberè responsa dera Administracion?
Per mejan deth Dorsièr Ciudadan.
