Sus gencat. Tramits

En aguest espaci trobaratz informacion sus er accès ath web gencat, era sua istòria des deth 1995 enquiara actualitat, damb es cambiaments de dessenh e de contenguts. Tanben vos poderatz assabentar des responsables des contenguts deth web, er equip editoriau. Ath madeish temps, trobaratz un apartat dedicat as prèmis e mencions qu'a arrecebut eth web enes darrèri ans, e un accès as diferenti webs dera Generalitat de Catalonha.

Prèmis e reconeishences

gencat

Ei eth web oficiau dera Generalitat de Catalonha, eth punt de referéncia entara gent de Catalonha e deth mon que vò informar-se sus es organismes, es accions e es servicis dera Generalitat.

Ath delà, permet localizar rapidament informacion practica de víuer e conéisher melhor eth país des der encastre politic, sociau e culturau.

Se voletz mandar-mos es vòsti suggeriments o planhs e ajudar-mos a melhorar eth web, vos convidam a emplegar era boèta de contacte. Gràcies pera vòsta collaboracion.

Boèta de contacte

Per a suggeriments o planhs

Un shinhau d'istòria

4 de seteme de 1995
Nèish gencat. Emergien en hilat espanhòu es prumèrs lòcs web.

11 de seteme de 2002
Prumèra renovacion grafica deth web de gencat, era pagina d’inici e es principaus seccions, atau coma es webs des departaments.

En Octobre 2005
Impuls entà un nau dessenh, acompanhat d'ua reorientacion vèrs eth web 2.0. Er accent se met ena organizacion tematica e logica (non solament administrativa) deth contengut, era accessibilitat, era interactivitat e era participacion des usatgèrs, era sindicacion de contenguts, es servicis entà diferenti dispositius (mobils, eca.), eth multimèdia...

En seteme 2014
Quatau renauiment deth web tant per çò qu'ei dera organizacion dera informacion coma eth dessenh grafic. Era escomesa de gencat ei entara mobilitat, damb un web damb dessenh adaptatiu (responsive). Era informacion e es servicis se mòstren ara ciutadania independentament deth dispositiu qu'utilizen, ja sigue un ordenador, ua tauleta o un mobil.

Equip editoriau de gencat

Er equip editoriau deth web gencat.cat ei plaçat ena Direccion Generau de Servicis Digitals e Experiéncia Ciutadana, en Departament dera Vicepresidéncia e de Politiques Digitaus e Territòri. Aguest equip ei responsable dera gestion des contenguts corporatius deth portau gencat, dera mantenença des seccions transversaus (Tèmes, Sedença Electronica, Tramits, Generalitat, Actualitat e Contacte) atau coma des estruments (cercaires, directòris, eca.) e webs especiaus tematics creadi per motius d’actualitat.

Cada departament deth Govèrn, organisme, empresa publica o consòrci que produsís contenguts entath portau ei responsable dera exactitud e vigéncia des sues pròpries informacions. Era Generalitat de Catalonha non ei responsabla dera veracitat dera informacion provenenta d'autes persones fisiques o juridiques que cònste en lòc web o dera que cònste en d’auti lòcs web as quaus remete mejançant ligasons.

Direccion Generau de Servicis Digitals e Experiéncia Ciutadana

Donades basiques.

Departament dera Vicepresidéncia e de Politiques Digitaus e Territòri

Data d'actualització: 28.06.2018