Cau auer precaucion e prudéncia en bòsc entà evitar perder-vos. Eth rescat de cada camparolaire perdut en bòsc còste ua mejana de 2.200 èuros ara Generalitat, chifra qu'includís es recorsi umans utilizadi, es veïculs terrèstres e es elicoptèrs. Vos aufrim un seguit de recomanacions que calerie auer fòrça presents ara ora d'anar ena montanha tà cercar misharnons:
- Cau planificar ben era excursion.
- Abans de gésser, tenguetz en compde er estat deth temps. S'eth pronostic non ei bon, renonciatz a anar tà cercar misharnons. Arrebrembatz que, ena montanha, es condicions meteorologiques pòden empejorar tot d'un còp.
- Adaptatz eth vòste equipament (ròba, cauçat...) ara activitat. Se recomane anar en bòsc damb ròbaben veiguenta, de colors viues -coma er iranja o er auriòu-, pr'amor que facilite era localizacion en cas de pèrta.
- Eirecomanable portar un shinhau de minjar, coma fruta shuta, aigua e un telefon mobil damb era bateria plan cargada e damb un cargador addicionau, s'ei possible. Tà anar a cuélher misharnons, ei melhor non anar solet.
- Vos cau conéisher era zòna a on cercaratz es misharnons, atau coma es sues vies d'accès. Ei ua bona causa de préner punts de referéncia entà orientar-vos -son boni punts de referéncia, per exemple, eth lòc a on auetz estacionat eth coche, ua linha electrica o un arriuet-.
- Non alongatz eth temps dera activitat. Laguens deth temps totau que i pensatz dedicar, comptabilizatz tanben eth temps que trigaratz a hèr eth camin de retorn, entà que non vos calgue partir quan fosquege.
- En cas de besonh, telefonatz as equips d'emergéncies, per mejan deth telefon 112. Un viatge comunicada era vòsta posicion, non vos moiguetz deth lòc enquia que non ajatz contactat damb eth personau de recèrca.