Es misharnons son fongs esporadics e, a viatges, imprevisibles. Coma totes es aliments que non aubedissen es règles cèrtes des cuelhudes an inspirat cèrti mites entorn dera sua trobalha, arremassada e classament qu'an passat de pair-sénhers a hilhs. Fòrça d'aguesti mites, totun, son faussi e pòden indusir a errors grèus.
Toti es misharnons verenoses an ues colors vives
Eth misharnon mès toxic qu'auem, era Amanita phalloides o mojòla blanca, a un aspècte fòrça semblable a un misharnon comestible. Se deuen cuélher e consumir solaments es misharnons sus es quaus non i age cap sòrta de dobte.
Farinot, pentinella borda. Amanita phalloides
AMONTEra pròva der alh
Bères persones cren qu'era pròva der alh ei infalhible: se metes alh, ua truha o ua culhèra d'argent en tistèr e se tornen neres ei qu'es misharnons son toxics. Aguesta ei ua anciana credença que non a cap basa scientifica e non ei cèrta.
Ei aisit distinguir es misharnons comestibles
Non i a normes generaus entà distinguir damb seguretat es misharnons toxics. Consumís solament aqueri misharnons qu'ages identificat sense cap sòrta de dobte.