Cuélher misharnons

Era melhora manèra de cuélher misharnons ei en tot hèr braç damb eth guinhauet e cuelhent tot eth misharnon. En tot hèr açò l'arreconeishem e protegim eth micèli. Non se deu remòir era huelharaca damb arrastèth, per çò qu'es micèlis se localizen enes sises superficiaus deth solèr e se se maumeten, pòt èster que non tornen a fructificar. Aquiu, ja non tornarà a auer-i misharnons.

• Arremassatz es misharnons entistèrsde vim e non en saquetes de plastic. D'aguesta manèra es particules generatives des misharnons -es espòres- son recuperades peth bòsc. En saquetes de plastic es misharnons s'estofen e entren en descompausicion.
• Gahatz solaments es misharnons qu'identificatz sense cap sòrta de dobte.
• Non gahatz, caucigatz ne esclafatz cap misharnon que non coneishatz. Podetz gahar-ne per consulta micologica unicaments, non pas per consomacion.
• Non bolegatz era huelharaca damb cap airina per çò que prejudície eth bòsc e es misharnons.
• Se son fòrça petiti, no les prenetz, ei melhor deishar-les créisher un shinhau mès entà que maduren e agen agut eth temps de besonh entà liberar es espòres.
• Cuelhetz es misharnons damb moderacion, non ei melhor camparolaire era persona que hè mès tisterades de misharnons
• A mesura qu'arremassatz misharnons, ressemiatz eth bòsc.